Home

_pat0374.jpg_20170311204912_11

Borroka garaia da! webgunerako kolaborazioa, egileak: ELEAK-LIBRE mugimendua

Iragan larunbatean, Iruñean burutu zen errepresioari autodefentsa manifestazioan burututako atxiloketa eta ondorengo espetxeratzeen aurrean, ELEAK-Libre mugimenduak ondorengoa adierazten du:

– atxiloketa eta ondorengo espetxeratzeak gogor salatzen ditugu. Atxilotuekiko zein euren lagun eta senideekiko elkartasuna adieraztearekin batera.
– gazteen berehalako askatasuna exijitzen dugu.

Bost urte igaro dira jada Euskal Herrian jasaten dugun ageriko biolentzia politiko antolatu bakarra estatuarena eta administrazioarena dela. Azken urteetan tresna errepresibo berriak sortu badira ere, mozal legea edo kode penalaren erreforma kasu, ezin dugu ahaztu frankismotik gaur egunera garatu den armategi errepresiboak indarrean jarraitzen duela.

Horrela ikusi dugu Altsasuko kasuan, non 3 lagunek espetxean jarraitzen duten oraindik eta 8 epaiketaren zain dauden, edo Oreretako gazteen espetxeratzearekin. Horregatik, ezin gara konformatu gatazka armatuaren urteetan salbuespen politikoa ezartzeko garatu ziren bitartekoak ez aplikatzearekin edota horiek malgutzearekin. Salbuespen epaitegiak, legedi antiterrorista, inkomunikazioa… horiek guztiak ordenamendu juridikotik desagertu behar dira! Hauek desagertu ezean, salbuespen legeak aplikatzeko arriskuan aurkituko gara.

Honekin batera, Iruñeko epaitegiak kasua Audientzia Nazionalera eramatea ere gogor salatu nahi dugu. Ezin dugu ahaztu, gure eskubide zibil eta politikoak behin eta berriz urratzen dituzten salbuespen epaitegiak direla biak ala biak. Beraz, antolatu gaitezen gure eskubide zibil eta politikoen defentsan! Salbuespen legeeen aurka! LIBRE IZAN ARTE!

Salbuespen legediak eta epaitegiak bertan behera geratu behar dira.
Aski da!

ELEAK-Libre mugimendua
2017ko Martxoaren 13an

One thought on “Larunbateko atxiloketa eta espetxeratzeen aurrean

UTZI ERANTZUN BAT - DEJA UN RESPUESTA

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s